ليه الاثنين اجازة الحلاقين

البرنس زياد كتب:ليه الاثنين اجازة الحلاقين

اسم السلسلة: من الخاطر

طول عمري و انا صغير كان نفسي أعرف ليه الحلاقين بياخدوا اجازة يوم الاثنين

لحد ما أشتريت عربية عرفت بعدها

تسألني ايه علاقة العربية أقولك

بص

انا طول الاسبوع مطحون و طالع عيني و بنتظر يوم الجمعة أنزل أتسوق فيه و أفسح الولاد

و يوم السبت بحاول أخلص ضبط العربية عند الميكانيكي بدل ما أقوم أدور الصبح و ألاقيها مش شغالة

المهم أكتشفت ان كل الموظفين اللي زي بيظبطوا العربيات يوم الجمعة و السبت و طبعا بروح للحلاق أضبط شعري انا و ابني قبل ما يروح مدرسته

الجماعة صحابنا الصنايعيه طبعا شغالين طول الاسبوع لكن استحالة يقفلوا جمعة و سبت لان دي اجازة الموظفين اللي هما احنا و بالتالي ده الموسم الاسبوعي بتاعهم .و الواحد من دول يقفل ورشته يوم السبت بالليل و يروح تعبان ينام

نيجي للاحد اخوانا الصنايعية اخر النهار يروحوا لاخوانهم الحلاقين يظبطوا شعرهم و معاها الولاد الصبيان في الورش

فنلاقي ان البلد كلها خلصت حلق شعر جمعة و سبت و احد فيلاقي اخوانا الحلاقين ان أقل يوم كثافة عمل بيكون الاثنين

فيقرروا أنه يكون اجازتهم الاسبوعية

حاجة اخيرة

اخوانا الطلبة و الحلاقين و الصنايعية اجازتهم من الجمعة للاثنين و طبعا بيرحوا المكتبات لزيادة الوعي الثقافي و بالتالي نلاقي ان المكتبات العامة بتقفل يوم الثلاثاء أقل الايام كثافة عمل بالنسبة لها

احسبها صح

تفهمها صح

تحياتي

دلتاوي